“Хот тохижилтын газар”-ынхан шөнөжин ажиллалаа

15056293_1321381621227635_7231812895983317990_n

“Хот тохижилтын газар” ОНӨААТҮГ 11 сарын 17-ны 21 цаг 30 минутанд бодис цацахаар тоноглогдсон портер машин хоёр, шөнийн 01 цагт Зил-130 гурав, камаз долоо нийт 12 машин, 24 жолооч, инженер техникийн ажилтантайгаар хуваарьт 337 км замуудад цас хайлуулах бодис цацлаа.

Энэ үеэр Улаанбаатар хотын Дэд бүтэц, гэр хорооллын хөгжлийн асуудал хариуцсан орлогч дарга П.Баярхүү, Ногоон хөгжил, агаарын асуудал хариуцсан орлогч дарга Ж.Батбаясгалан нар ажлын нөхцөл байдалтай газар дээр нь очиж танилцсан бөгөөд Улаанбаатар хотын ерөнхий менежер Т.Гантөмөр, тус газрын дарга, орлогч дарга нар бүрэн бүрэлдэхүүнээрээ шөнөжин ажилласан байна.

Хуваарьт замууд буюу Яармагийн гүүр, Баянзүрхийн товчоо, 19-р хороолол,  Хурд  хорооллын урд, Нийслэл хүрээ өргөн чөлөө, Тасганы овоо,  Шар хад, Энхтайваны өргөн чөлөө, Таван шараас Офицер хүртэл, Зурагтын уулзвар Баян хошуу, Хөтөл, Жанцан, Энхтайваны гүүр, Зайсан, Чингисийн өргөн чөлөө, Гадаад харилцааны яам, Их Монголын гудамж, Маршалын гүүр,  Их тэнгэр, 32-н тойрог, Сансрын тунель  өгсөх уруудах зам, Нарны зам, Халдвартын уулзвар, 4-р дэлгүүр, СУИС, Яармагаас Нисэх  Сонсголонгийн гүүр, Монос, Нарны гүүр, Гэсэр сүм, Гандигийн гудамж, Дунд гол, Эрчим хүчний гудамж, Саппоро, Сөүлийн гудамж, БЗД, Нохойтой хөшөө, Богд уулын зам, ХАА-н уулзвар, Гурвалжингийн гүүр, Гэмтэл 25-с дээш өгсөх, Модны 2-с дээш өгсөх зам, Сапорогоос дээш өгсөх, Нэгдүгээр хорооллын арын зам, Замын Цагдаагийн урд, Төмөр замын призер, Соёолж, Баянмонгол хорооллын нүхэн гарц, Багшийн дээдийн уулзвар, 100-н айл, 17-н буудал, Долоон буудлын эцэс, Дарь эх, Дамба, Бэлх, Сэлх  Дөлгөөн  нуураас Их тэнгэр хүртэл, Хан-Уул дүүргийн уулзвар, ХАА-н уулзвар зэрэг хариуцдаг бүх уулзвар, уруу өгсүүр замуудад нийт 99 тн бодис, давс цацсан байна. Яг одоо Сүхбаатарын талбайд 9, гудамж талбайд 12 машин, явган хүний замын цасыг 350 гаруй хүн цэвэрлэж байна.

Сэтгэгдэл үлдээх

Одоор тэмдэглэгдсэн хэсгийг заавал бөглөх ёстой. Required fields are marked *

*