Хальтиргаа гулгаанаас сэргийлж, шуурхай арга хэмжээ авч ажиллаж байна

504750754a3c132ddf9b51

2016 оны 10 сарын 24-ний оройн 21 цагаас эхлэн Нийслэл хотод хур тундас орсон бөгөөд автозамын хөдөлгөөнд хүндрэл үүсгэхээс урьтаж, Хот тохижилтын газар шуурхай арга хэмжээ авч ажиллаж байна. 22 цагт тусгай зориулалтын тоноглогдсон хоёр машин, шөнийн 03 цагт нэмэлтээр долоон машин тус тус гаргаж, нийт 56 тн бодис цацаж ажиллалаа. Ингэхдээ хариуцдаг автозам болон хальтиргаа, гулгаа ихтэй гудамж, уруу, өгсүүр замууд, мөн Замын Цагдаагийн Газрын дуудлагаар доорх замуудад бодис цацав. Үүнд Энхтайваны өргөн чөлөө, Яармагийн товчоо, Энхтайваны гүүр, Богд уулын арын зам, Нисэх,  Яармагийн  зам, Их тэнгэрийн ам, Засгийн газрын ордны хоёр тал, Нүхэн гарц, 32-с хойш, Долоон буудал, Дөлгөөн нуур, Төв шуудан, Багшийн дээд, Гадаад хэргийн Яам, Олимпийн гудамж, Чингисийн өргөн чөлөө, 22-ын товчоо, Баян хошууны өгсөж  урууддаг зам, Ард Аюушийн гудамж, Чингүүнжав, Хасбаатарын гудамж, Нарны гүүрний  өгсөж урууддаг зам, Тунель, Цайз, Шар хадны гудамжуудад цас хайлуулах бодис цацлаа. Тус газрын Тохижилт үйлчилгээний албаны зам талбайн үйлчлэгчид хариуцсан зам талбайнхаа явган хүний замын цасыг шүүрдэж, хальтиргаа гулгаанаас урьдчилан сэргийлж, шуурхай ажиллаж байна.

Сэтгэгдэл үлдээх

Одоор тэмдэглэгдсэн хэсгийг заавал бөглөх ёстой. Required fields are marked *

*